மரண தண்டனை எனும் நரபலி

தூக்கு தண்டனை ஆதரவு எனபது நரபலி ஆதரவு போல

நரபலி கொடுத்தால் பல நன்மைகள் நடக்கும் என்ற நம்பிக்கை மக்களுக்கு இருந்ததற்கும் இப்போது மரண தண்டனை தந்தால் குற்றங்கள் அழிந்து விடும்,குறைந்து விடும் என்ற நம்பிக்கைக்கும் துளி கூட வித்தியாசம் கிடையாது
நரபலி தருவதை பார்ப்பவர்கள்,கேட்டவர்கள் சாமி வந்து ஆடுவது போல இங்கு சிலர் மரண தண்டனைக்கு ஆதரவாக குதிப்பது வேதனையான ஒன்று.
தன உறவினரை கடித்து உரிரழக்க வைத்த பா...ம்பை,சிறுத்தையை பிடித்த பிறகு அதை வெட்டி கொன்றால் தான் மனம் ஆறும் என்று சொல்வதற்கும் ,பிடிபட்ட குற்றவாளியை கொல்வதற்கும் வித்தியாசம் எதுவும் கிடையாது

வருடத்திற்கு பல ஆயிரம் பேர் நம் நாட்டில் வெறி நாய் கடியால் ஏற்படும் நோய்க்கு பலி ஆகிறார்கள்.அதை தடுக்க தெரு நாய்களை ஒழிப்பதை ,அப்படி செய்வது பாவம் என்று எதிர்க்கிறவர்களை கூட இப்படி யாரும் திட்டுவது கிடையாது,நக்கல் செய்வது கிடையாது.மாறாக மேனகா காந்திகளின் தாளங்களுக்கு தான் பெரும்பான்மை அரசுகள் ஆட்டம் போடுகின்றன.ஆனால் பிடிபட்ட குற்றவாளியை கொல்லாதே என்று கூறினால் கூறுபவனை வெட்ட வேண்டும்,தேச துரோஹி என்று கூறுவது சாடிசம் மன நோயின் கீழ் வருமா

நான் மார்க்கெட்டிற்கு ,ரயில் நிலையத்திற்கு செல்லும் போது வழியில் குடித்து விட்டு வண்டி ஒட்டி ஒருவன் ஏற்றி இறந்து விட்டால்,அல்லது மெட்ரோ பாலத்தை கட்டும் பணியில் தவறான பொருட்களின்/தவறான அணுகுமுறையின் காரணமாக பாலம் சரிந்து அதனடியில் மாட்டி கொண்டால்,சிக்னலை மதிக்காமல் ஒரு வாகனம் ஏற்றி கொன்று விட்டால் பாதிக்கப்பட்ட குடும்பத்தினருக்கு கோவம் வராதா,கொலைக்கு காரணமானவனை தூக்கில் போட வேண்டும் என்று சொல்ல உரிமை கிடையாதா
அந்த உரிமை யாராவது அதே மார்கெட்டில் குண்டு வைத்தாலோ,இல்லை துப்பாகியால் சுட்டு கொல்லப்பட்டால் மட்டும் தான் பாதிக்கப்பட்ட குடும்பத்திற்கு வருமா
குறிப்பிட்ட வகையில் இறந்தால் மட்டும் தான் பாதிக்கப்பட்ட குடும்பம் நம் கண் முன் வருமா,உன் குடும்பம் பாதிக்கபட்டால் இப்படி பேச மாட்டாய் என்ற நக்கல் வருமா
விபத்துகளில் நெருங்கிய உறவினர்களை இழக்காதவர்கள் இல்லாத குடும்பங்களே இருக்காது. அதனால் அதனை குறைக்க சாலை விபத்துக்கு காரணமாக இருப்பவர்களை தூக்கில் போட வேண்டும் என்று யாரும் குதிக்கவில்லையே .தீவிரவாதம் காரணமாக இறப்பவர்களை விட விபத்துக்கள் காரணமாக இறப்பவர்கள் ஆயிரம் மடங்கு .ஆனால் யாரும் குற்றங்கள் குறைய தூக்கில் போடுங்கள் என்று பொங்குவது இல்லையே .பாதிக்கப்பட்ட பல லட்சம் குடும்பங்கள் கண்ணுக்கு முன் வருவதில்லையே

பால் விலக்கு

மது விலக்கு என்ற அலாஉதின் விளக்கு மறுபடியும் பலரால் ஏதாவது புதையல் கிடைக்குமா என்ற எண்ணத்தில் பலரால் தேய்க்கப்படுகிறது
பால் விலக்கு போராட்டம் ஏன் யாருக்கும் தோன்றவில்லை.பால் கறப்பதை விட கொடிய பாலியல் வன்முறை எதுவும் இருக்க முடியாது .மிருகவதை எதிர்ப்பு போராளிகளும் பசு,எருமையின் மீதான இந்த பாலியல் வன்கொடுமையை இன்று வரை எதிர்த்ததாக தெரியவில்லை .
பாலூட்டிகள் எனப்படும் ஜீவராசிகள் தங்களின் குழந்தைகளு...க்கு பாலூட்டி வளர்க்கும்.அதனால் அவற்றிற்கு மடி உண்டு
குட்டி போடாமல் தன்னால் பால் சுரக்காது.பால் கறப்பதை யாராவது பார்த்திருக்கிறீர்களா .பால் சுரப்பதற்க்காக குட்டியை சில வினாடிகள் மடியை நக்க வைத்து விட்டு பின்பு வலுக்கட்டாயமாக பிரித்து எடுப்பார்கள்.கதறும் குட்டியை பார்த்து கட்டி போடப்பட்ட பசுவும் கதறும்.ஒரு சொட்டு விடாமல் பால் கறக்கப்படும்.
பசுவை சினையாக்குவதர்க்கு வெளிநாட்டில் இருந்து விந்து மட்டும்,அல்லது காளை இறக்குமதி செய்யப்பட்டு பசு கர்ப்பம் ஆக்கப்படும்
பல ஆண்டுகளுக்கு பசுவை கட்டி போட்டு ,வலுக்கட்டாயமாக அதற்குள் செயற்கையாக விந்துவை ஏற்றி சினையாக்கி,குட்டி போட்ட பின் குட்டியின் கதறலை கேட்டபடி பால் கரக்கபடுவதை விட/அதை வைத்து அபிஷேகம் செய்வதை எதிர்க்க வேண்டும் என்று எந்த காந்தியவாதிக்கும் தோன்றாதது ஆச்சரியம் தான்
மிருக பால் ஒவ்வாமை உள்ள குழந்தைகள்,பெரியவர்கள் பல லட்சம் பேர் உண்டு.மது ஒவ்வாமை எனபது மிகவும் அரிது
பால் குடிப்பதால் வரும் வியாதிகளும் ஒன்றும் குறைவு கிடையாது .ராமர் பாலத்தை விட மத ரீதியாக கொண்டாடப்படும் , இவ்வளவு பெருமை கொண்ட பசுவின்  மீது பாலியல் வன்முறை புரிந்து கரக்கபடும் பாலை விலக்க யாரும் போராடதது ஏன் என்று விளங்கவில்லை

மது விலக்கு தேவையா/சாத்தியமா

மது என்ற விஷயத்தில் எதிர்கருத்தை கேட்க கூட மாட்டேன்.வேறு எங்காவது சென்று விடுங்கள் என்று எடுக்கும் நிலை வருந்த வேண்டிய ஒன்று.இதை தான் மத/சாதி அடிப்படைவாதிகளும் கூறுகிறார்கள்
addiction எனபது வியாதி. மது இல்லை என்றால் மாத்திரை/பக்தி,சாதி வெறி(முக்கால்வாசி வெறி பிடித்தவர்கள்,காந்தியை கொலை செய்ய துணியும் கோட்சேக்கள் எந்த பழக்கமும் இல்லாதவர்கள் தான் )
மதுவிலக்கு இருக்கும் மாநிலங்களில் வாழ்ந்தவன்... என்ற முறையில் கூறுகிறேன்.அது முற்றிலும் சாத்தியமில்லாத ஒன்று.முட்டாள்தனமான கொள்கை
மணிப்பூரில் ஒவ்வொரு வீட்டிலும் அரிசியில் இருந்து சாராயம் காய்ச்சுவார்கள்.அதில் போதையை அதிகமாக்க என்ன சேர்க்க வேண்டும் என்பதில் தான் வேறுபாடு
பக்கத்து மாநிலங்களில் இருந்து கடத்தல்/அங்கு இருக்கும் ராணுவ வீரர்களிடம் இருந்து அதிக விலைக்கு வாங்கி விற்றல் போன்றவை மிக அதிகம்
போக்குவரத்து வசதிகள்/சாலைகள் பெருகிய இந்நாளில் அண்டை மாநிலங்களுக்கு செல்ல அதிக நேரம் எடுக்கும் ஊர் எதுவும் தமிழகத்தில் கிடையாது.புதுவை/ஆந்திரம்,கேரளம்,கர்நாடகம் என்று மற்ற மாநிலங்களில் சென்று மது அருந்துவதோ,அங்கிருந்து ரகசியமாக வாங்கி வந்து விற்பதோ மிகவும் எளிதான ஒன்று.விலை குறைவு என்று பாண்டியில் இருந்து வாங்கி வரும் சரக்கில் நூற்றில் ஒரு பங்கு கூட பிடிபடுவதில்லை.பிடிபட்டாலும் போலிசுக்கு அதிக வருமானம்.அவ்வளவு தான்
2500 க்கு மேற்பட்ட முன்னாள் ராணுவத்தினர் இருந்தால் அங்கு மருத்துவ உதவி நிலையம் அவர்களுக்காக ஆரம்பிக்க வேண்டும் என்று விதி.அதன்படி தமிழகத்தில் உள்ள அனைத்து மாவட்டங்களிலும் அதை விட அதிக எண்ணிகையில் தான் முன்னாள் ராணுவத்தினர் உள்ளனர்.அவர்கள் மது வாங்குவதை மாநில அரசின் மதுவிலக்கு தடை செய்ய முடியாது.ஐம்பதாயிரத்திற்கு மேற்பட்ட முன்னாள் ராணுவத்தினர் மாசம் வாங்கும் பாட்டில்கள் மூன்று லட்சத்திற்கும் அதிகம்.மது விலக்கு வந்தால் இப்போது கிடைக்கும் விலையை விட இரண்டு மூன்று மடங்கு அதிக விலை கிடைக்கும்.அவர்களுக்கு அதிக வருமானம்.குஜராத்தில் இப்படி பெரும்பணம் சம்பாதித்தவர் பலர்.
பணக்காரர்களுக்கு லைசென்ஸ் ,ஐந்து நட்சத்திர விடுதிகளில் அனுமதி இருக்கும்.நடுத்தர வர்க்கத்தினர் நூறு கிலோமீட்டர் தள்ளி போய் பக்கத்து மாநிலத்தில் குடித்து விட்டு விழுந்து கிடப்பர்.போதைக்கு அடிமையாக விரும்புபவர்கள் இருமல் மருந்துகளில் மாத்திரைகளை கலந்து பாட்டில் பாட்டில் ஆக முழுங்குவர்
கள்ள சாராயம் பல கொலை/திடீர் பணக்காரர்களை உருவாக்கும் .
இணையத்தின் மூலம் சாராயம் எப்படி தயாரிக்கலாம் என்பதை எளிதில் யார் வேண்டுமானாலும் கற்று கொள்ள முடியும்.
மனிதன் அரிசியை முதலில் பயிர் செய்ய துவங்கியதே சாராயத்திற்காக தான் என்று பல ஆராய்ச்சியாளர்கள் இப்போது கருதுகின்றனர்.கிடைக்கின்ற அனைத்து உணவு பொருட்களில் இருந்தும் சாராயம் தயாரிக்கும் முயற்சி ஆதி மனிதன் தொட்டு இன்று வரை நடைபெற்று வருவது
திருமணமான பெண்களுக்கு திருமணம் ஆகாத பெண்களை விட கர்ப்பப்பை புற்றுநோய் வர வாய்ப்புகள் அதிகம்.அதனால் திருமணத்தை தடை செய்யலாம் என்று எண்ணுவதற்கும் மது விலக்கு போதையை அழித்து விடும் என்று எண்ணுவதற்கும் வித்தியாசம் கிடையாது

பாலியல் என்றால் என்ன

இதற்கான விடையை ஆண் பல ஆயிரம் ஆண்டுகளாக தேடி கொண்டு இருக்கிறான்.

எது அவனுக்கு இன்பம் தருகிறது
எதனால் அவனுக்கு இன்பம் வருகிறது.
இதை அவன் எளிதாக உணர்ந்து கொண்டான்
ஆனால் அதை தரும் துணையை சரியான முறையில் /சரியான வயதில் தேடி கொள்வதால் அவனுக்கு இன்பம் அதிகமாகுமே தவிர குறையாது என்பதை புரிந்து கொள்ளவில்லை.
அடுத்தவரை வன்முறைக்கு ஆட்படுத்தி அதனால் தான் இன்பம் வரும் என்ற மனநிலை இர...ுப்பது குரூரம்,குற்றம் ,அதை தவிர்க்க என்ன செய்ய வேண்டும் என்ற முயற்சிக்குள் அவன் இன்னும் இறங்கவே இல்லை
பேருந்தில் தொடர்பே இல்லாத பெண்ணோடு உரசி இன்பம் பெறுவதை விட ,தனக்கு பிடித்த பெண்ணை தேர்ந்தெடுத்து ,அவள் சம்மதத்தோடு கடற்கரைகளில்,சினிமா திரை அரங்குகளில் உரசுவது,முத்தம் தருவது தவறல்ல என்பதை அவனும் ,சமூகமும் புரிந்து கொண்டால் குற்றங்கள் குறையும்
என் இள வயதில்/கல்லூரி பருவத்தில் கூட்டமான பேருந்தாக பார்த்து ஏறி கொண்டிருந்தவன் என்ற முறையில் கூட்டத்தில் உரசுபவர்கள்  பற்றிய என் தோழியின் பதிவு அதில் உள்ள தவறை இப்போது தான் புரிய வைக்கிறது
ஹோலி என்ற பெயரில் பெண்களின் மேல் வண்ணம் தெளிப்பது என்ற சாக்கில் பாலியல் சுகம் பெற உரசும் அருவெறுப்பான செயல்கள்  மகிழ்ச்சியாக முழுமனதோடு இசையும் துணையோடு கூடிய பிறகு தானே பாலியலுக்கு தொடொர்பில்லாத  வக்கிரங்கள்    எனபது  உரைக்கிறது

 

இது தவறு என்ற எண்ணமே ஏற்படாத நிலையை இப்போது நினைத்தால் கூசுகிறது

முரட்டுத்தனமாக குடித்து விட்டு வந்து மனைவியின் பெற்றோர் வீட்டில் இருந்த மனைவியை உடனே வா என்று அடித்து இழுத்து சென்ற உறவினரை/உறவினர்களை ,நினைத்தால் மனைவியை விளாசி எடுத்தவர்களை,சந்தேகப்பட்டு வண்டை வண்டையாக திட்டியவர்களை தவறாக பார்க்காத நிலை வருந்த வைக்கிறது

பாலியல் குற்றவாளிகள் அனைவரும் மனநோயாளிகள்.அதை குற்றம் நிகழ்த்துவதற்கு முன்பே அவன் உணர்ந்து அதை தடுக்க முயற்சிகள் எடுக்காதவரை குற்றங்கள் குறைவது கடினம்

பாலியல் வன்முறை புரிந்தவர்கள் மனநோயாளியாக பார்க்கப்பட்டு தண்டனையோடு பல ஆண்டுகள் அவர்களுக்கு மருத்துவமும் செய்யபட்டால்,அதை பார்த்து அதே எண்ணம் இருப்பவர்களும் அதை தவிர்க்க மருத்துவம் செய்து கொள்ள முன் வருவர்.
இதன் மூலம் பாலியல் குற்றங்களை குறைக்கலாம்.வன்முறை எண்ணம் உள்ள நம் குடும்பத்தில்,நட்பில் உள்ளவர்களை ஆரம்ப நிலையிலேயே சிகிச்சைக்கு உட்படுத்தினாலும் குற்றங்கள் குறையலாம்
பாலியல் கல்வி ,பாலியல் என்றால் என்ன எனபது புரிந்து கொள்ளாமல் தான் பெரும்பான்மையானோர் இருக்கும் நிலையை மாற்றினாலும் பாலியல் வன்முறைகள் குறையலாம்
கன்னிகளோடு உறவு கொண்டால்,வயது வராத சிறுமிகளோடு உறவு கொண்டால் பாலியல் நோய் போய் விடும்/வராது,ஆண்மை கூடும் போன்ற மூட நம்பிக்கைகளை உடைத்து எறிந்தால் குற்றங்கள் குறையும்
கிரிக்கெட்,கால்பந்து,பாலே நடனம் போல தான்

பாலியலும்.பொறுமை,பயிற்சி,அன்னியோனியம்,கூட்டு முயற்சி இருந்தால் தான் அது சுவைக்கும் என்ற உண்மையே பலருக்கு தெரியாது என்ற நிலையை மாற்ற வேண்டும்.
சுயஇன்பம் மிக தவறு என்று எண்ணுபவர்களை,கனவுகளில் விந்து வெளியாவது ஆரோக்கியத்தை கெடுக்கும்,பாலியல் தொழிலாளர்களிடம் சென்றால் உடல் சூடு குறையும்,விந்து தன்னால் வெளியாவது ஆண்மைக்கு இழுக்கு ,அது ஒரு உடலில் தான் வெளியாக வேண்டும் என்ற நம்பிக்கை வைத்திருப்பவர்களிடம் அது தவறான மூடநம்பிக்கை என்பதை புரிய வைக்க வேண்டும்
ஊடகங்கள் இல்லாத காலத்திலும்,பெண்களை பூட்டியே வைத்திருக்கும் சமூகங்களிலும் பாலியல் குற்றங்கள் மிகுந்து தான் இருக்கின்றன என்பதை பார்த்தால் ஊடகங்களின் மேல் வைக்கும் குற்றசாட்டின் சாரம் இல்லாதது புரியும்

கொலைவெறியோடு அலையும் ஊடகங்களும் அதன் ஹீரோக்களும்

நன்றி இல்லாத அரசுகளும் வெறி ஏற்றும் ஊடகங்களும்

சரப்ஜித் சிங்கின் உடல் இந்தியா வந்து விட்டது.25 ஆண்டுகளை சிறையில் கழித்து அதன் முடிவாக அடித்து கொல்லப்பட்ட வீரனுக்காக அனைவரும் வருந்தும் நிலை ,அவர்களை பற்றி அறியும் நிலை உருவானது ஒன்று தான் இந்த நிகழ்வில் நடந்த ஒரே நல்ல விஷயம்

எல்லா நாடுகளின் அடிப்படை கோட்பாடே "செவப்பா இருக்கறவன் பொய் சொல்ல மாட்டான் "என்ற தத்துவத்தில் அடங்கியிருக்கும் வரை இவைகளுக்கு... முடிவு இருக்காது

நாட்டு பற்றினால் அல்லது ஏழ்மையில் இருந்து தப்பிக்க பணத்திற்காக உளவு பார்க்க செல்லும் அனைவரும் யோசித்து பார்க்க வேண்டிய தருணம் இது.எத்தனை ஆண்டுகள் சிறையில் வாடினாலும் ,மாட்டி கொண்டவனை கை கழுவி விடுவதற்கு,யார் என்றே தெரியாது என்று சொல்லாத அரசுகள் ஒன்று கூட தேறாது

எங்கள் நாட்டு உச்சநீதிமன்றம் குற்றவாளி என்று முடிவு செய்து மரணதண்டனை கொடுத்தால் அது நியாயத்தின் தீர்ப்பு,அதை நிறைவேற்றாதே என்பவர்கள் அந்நிய கைகூலிகள்,போலி மனித உரிமை வாதிகள்,தவறாக எடுக்கப்பட்ட முடிவு என்று கூறுபவர்களையும் சேர்த்து தண்டிக்க வேண்டும் என்று கூக்குரல் இடுபவர்கள் அண்டை நாட்டு உச்ச நீதிமன்றம் தீவிரவாத செயல்களை புரிந்ததற்காக மரண தண்டனை வழங்கிய குற்றவாளியை நிரபராதி,தவறாக வழங்கப்பட்ட தீர்ப்பு,தண்டனையை நிறைவேற்ற கூடாது என்று கூச்சல் இடுவார்கள்.செவப்பா இருக்கிறவன் பொய் சொல்ல மாட்டான்,தவறா தீர்ப்பு வழங்க மாட்டான் எனபது தானே கடவுளின் வார்த்தை

இங்கு தீவிரவாத செயல்களுக்காக தண்டனை அளிக்கப்பட்டு மரண தண்டனை நிறைவேற்ற படாமல் இருக்கும் கைதிகளுக்காக அரசை குறை கூறும்,தூற்றும்,மரண தண்டனை வேண்டாம் என்பவர்களின் மீது புழுதி வாரி வீசும் கோச்வாமிகள் ,சு ஸ்வாமிகள் அண்டை நாட்டில் இதே குற்றத்திற்காக மரண தண்டனை விதிக்கப்பட்ட கைதிகளை விடுவிக்க முயற்சிகள் எடுக்கவில்லை என்று அரசை ஏசுவார்கள்.

நாட்டிற்காக பணி செய்ய சென்றவர்களை எப்படி காப்பாற்றுவது,இங்கு இருக்கும் குற்றவாளிகளை துருப்பு சீட்டாக வைத்து எப்படி அங்கு இருப்பவர்களை விடுவிப்பது என்று செயல்பட வேண்டிய அரசுகள் ,அவர்களின் உயிரை துச்சமென மதித்து ,இங்கு வெறி ஏற்றுபவர்களின் நோக்கத்தால் தேர்தலில் வோட்டுக்கள் குறையும் என்பதால் இங்குள்ள தீவிரவாத குற்றம் சாட்டப்பட்டவர்களை தூக்கில் போட்டு விட்டு பெரிய சாதனை செய்தது போல சிரித்து கொண்டு பேட்டி கொடுத்து அங்கு இருக்கும் கைதிகளை கை கழுவி விட்டது.இந்த அரசின் உச்சபட்ச கேவலம் இந்த செயல்
பலரை கொன்ற எதிர் நாட்டு வீரர்களை போருக்கு பிறகு இரு நாடுகளும் பரஸ்பரம் விடுவிப்பார்கள்.இரு நாடுகளின் சிறையிலும் பல நூறு கைதிகள் இப்படி பல ஆண்டுகளாக அடைபட்டு கிடக்கும் அவலத்தை,
அவர்களை எப்படி விடுவிப்பது எனபது பற்றி எந்த கோஸ்வாமியும் சிந்திப்பது கிடையாது.

வெறி ஏற்றும் ஊடகங்கள் ஒரு நாட்டிற்கு மட்டும் தான் இருக்க வேண்டுமா என்ன.நன்றி இல்லாத அரசோடு வெறி ஊட்டும் ஊடகங்களும் சேர்ந்தால் அவர்களுக்கு தீனியாக கொல்லப்பட்ட உடல்களுக்காக அலையும் நிலை தான் உருவாகும்.

தாய்மொழி வெறி

பள்ளி கல்வியால் அனைவரையும் அறிவாளியாக .சிறந்த படிப்பாளியாக ஆக்க முடியும் என்ற நம்பிக்கை ஆச்சரியத்தை தருகிறது.
குறிப்பிட்ட மொழியில்,தாய்மொழியில் கற்றால் அனைவரும் அறிவாளியாகி விடுவர்,உலகில் உள்ள அனைத்து பள்ளிகளிலும் நூயுடன்களும் ,போசெகளும் ஓடி விளையாடுவார்கள் என்ற எண்ணம் சரியானது தானா
பள்ளி கல்வியின் முக்கியமான நோக்கம் சிறுவர்களின்,மாணவர்களின் வாழ்வை ஒழுங்கு படுத்துதல்.நேரத்திற்கு எழுந்திருத்தல்.வக...ுப்பின் போது காலைகடன்கள் வந்தால் சிரமம் என்பதால் காலைகடன் கழித்தலை எழுந்தவுடன் செய்வதற்கு உடலை பழக்குதல்
பல்வேறு குடும்பங்களை சார்ந்த குழந்தைகளுடன் பழகுதல்,ஒன்றாக அமர்ந்து உணவு உண்ணுதல்,பகிர்தல்,நட்பு பாராட்டுதல்,நண்பர்களை பெறுதல்.ஆசிரியர் என்பவரை மதித்தல்,பல்வேறு துறைகளை பற்றி அறிதல் ,ஒன்றாக விளையாடுதல்,ஒன்றாக பயணம் செய்தல் போன்றவற்றோடு சில விஷயங்களை புத்தகங்களின் வாயிலாக,ஆசிரியரின் வாயிலாக தெரிந்து கொள்ளுதல்.
பள்ளிகளை கிரிக்கெட்,கால்பந்து அகாடமி போல எண்ணுதல் சரியான ஒன்றா.அகாடேமிகள் தோனியை,ரூணியை,செரெனாவை உருவாக்காது.அவர்கள் அவர்களை செம்மை படுத்தி கொள்ள வழியை அவர்களே தேர்ந்தெடுத்து கொள்வார்கள்.
படிப்பும் அதே தான்.குறிப்பிட்ட பள்ளி,குறிப்பிட்ட வகை பயிற்சிமுறை,தாய்மொழி கல்வி பல அறிவாளிகளை உருவாக்கும் என்ற கூற்றில் உண்மை குறைவு.அனைவருக்கும் அடிப்படை அறிவு தருவது தான் பள்ளியின் கடமை.

தாய் மொழி தான் நல்லது என்பதற்கும் தாய்மதம் தான் நல்லது/தந்தை தொழில் என்ற குல தொழில் தான் நல்லது என்ற வெறிக்கும்வித்தியாசம் கிடையாது.இந்தியாவில் மட்டும் சில ஆயிரம் மொழிகள்
அதில் பெரும்பான்மை மொழிகள் வெறும்பேச்சு மொழிகள் தான் எழுத்துக்கள் கிடையாது
எழுத்து இருக்கும் மொழிகளும் வேறு மொழியின் லிபியை கடன்வாங்கியவை தான்
அதிகம் பேசப்படும் மொழிகள் பல மொழிகளை அழித்து,உள்வாங்கியதால் தான் அதிக மக்களால் பேசப்படுகின்றன
தாய்மொழி கல்வி தான் சிறந்தது என்று கூறுவதன் காரணம் அவர்கள் வசிக்கும் பகுதியில் பயன்படுத்தும் வார்த்தைகளை ,வீட்டில்பயன்படுத்தும் வார்த்தைகளை வைத்து கற்று கொள்வது எளிது என்பதால் தான்
தமிழை தாய்மொழியாக கொண்ட வெளிநாட்டில்,வெளிமாநிலத்தில் பிறந்த குழந்தை அவளை தவிர மற்ற அனைத்து குழந்தைகளும் ஆங்கில வழியில் படிக்கும் போது இவள் மட்டும் தமிழில் படித்தால் தான் கல்வியில்சிறந்து விளங்குவாள் என்ற வாதம் ஒரு புரட்டு தான்
மொழிகளின் ஆயுளும் வெகு குறைவு தான்.பல ஆயிரம் மொழிகள் அழிந்து விட்டன.இப்போது நாம் தாய்மொழி என்று சொல்லி கொள்ளும் மொழிகளும் சில நூறு ஆண்டுகளுக்கு முன் நம் தாய்மொழியாக இல்லாமல் இருந்திருக்கும்.வசிக்கும் இடங்களில் உள்ள பெரும்பான்மை மொழி மற்ற மொழி பேசுபவர்களை சிறிது சிறிதாக உள்வாங்கி விடும்.
மொழிகளை பாதுகாக்க வேண்டும் எனபது சரி.ஆனால் எந்த மதம் வேண்டும்,எந்த மொழியில் படிக்க வேண்டும்,எந்த இடத்தில வேலை செய்ய வேண்டும் எனபது எல்லாம் தனி மனித முடிவுகள்.அவனவனுக்கு பிடித்த மொழி அவனவனுக்கு
தமிழில் அனைத்து அறிவியியல்,மருத்துவம்,பொறியியல் புத்தகங்கள் மிகுந்தால் சீனாகாரன் கூட தமிழை அவர்கள் ஊரில் கட்டாயம் ஆக்குவான்.அப்படி இல்லாமல் ஒருவன் இங்கு பிறந்ததால்,அதுவும் அரசை நம்பி அது நடத்தும் பள்ளி,கல்லூரியில் படித்தால் அரசு அவன் மேல் பெரும்பான்மை மொழியை திணிக்கும் என்பதில் என்ன ஞாயம் இருக்கிறது

மோடி வெ(ற்)றி

மோடியின் சாதனைகள் கடவுளையும் தாண்டி போகும் காலகட்டத்தில் நாம் வாழ்ந்து கொண்டு இருக்கிறோம்
அனைவரிலும் சிறந்த கடவுள் மோடி தான் என்று ஒத்து கொள்ளாத கடவுள்களுக்கு மோடிபக்தர்களிடம் கிடைக்கும் நிலை அத்வானியின் நிலை தான்
... மோடியின் சாதனைகள் பயங்கொள்ள வைக்கின்றன.கடனில் இருந்த குஜராத் மாநிலத்தை அவர் ஆட்சியின் கீழ் லட்சம் கோடி உபரி பணத்தை உலக வங்கியில் போட்டிருக்கும் மாநிலமாக மாற்றி உள்ளார் என்று அறிவுஜீவிகள்,பத்திர்க்கை ஆசிரியர்கள் உட்பட பலர் சில ஆண்டுகளாக அனைத்து தொலை தொடர்பு சாதனங்கள் மூலமாக பரப்பி வருகிறார்கள்
உண்மை நிலை என்ன என்பதை பற்றி யாருக்கும் அக்கறை கிடையாது.கடவுள் பக்தியை விட மோசமாக இருக்கிறது மோடி பக்தி
http://www.indiatvnews.com/business/india/modi-s-gujarat-bears-the-third-highest-debt-burden-after-bengal--5216.html
Chief Minister Narendra Modi's Gujarat government bears the third highest burden after West Bengal and Uttar Pradesh, says a media report.
While Gujarat's actual debt was Rs 1,38,978 cr as on March 2012 and is projected to touch Rs 1.76 lakh crore in 2013-14, it is preceded by only two other states: West Bengal (Rs 1.92 lakh crore) and Uttar Pradesh (Rs 1.58 lakh crore), says the report.

மோடி வந்தார் ,15000 குஜராத்திகளை மீட்டு அழைத்து சென்றார் எனபது பலரை புல்லரிக்கக் வைத்த  செய்தி.
CNN IBN தொலைக்காட்சியில் பாதிக்கபட்ட்ட மக்களில் ஒருவர் மோடி அனுப்பிய 25 ஹெலிகாப்டர்களை ஒன்றுக்கும் உதவாத உத்தர்கண்ட் அரசாங்கம் ஏற்று கொள்ளாமல் திருப்பி அனுப்பி விட்டது என்று குமுறுகிறார்.வெளி உலகத்தோடு எல்லா தொடர்பும் அறுந்த நிலையில் இருந்து மீட்கப்படும் போது ஒருவரின் கூற்று அது .இவை நடைமுறையில் சாத்தியமா என்று யாரும் ஆராய்வது கிடையாது.கடவுளை ஆராய முடியுமா

http://timesofindia.indiatimes.com/india/Narendra-Modi-lands-in-Uttarakhand-flies-out-with-15000-Gujaratis/articleshow/20721118.cms

What cannot be dismissed, though, is Modi's now trademark style of micro-management, something his supporters say is the need of the hour for India. "It's amazing what he has done here," said Anil Baluni, a BJP leader. "If someone doesn't like it, what can we do?'

Modi's men have not only para-dropped a complete medical team in Hardwar,


ரயில்,சாலைபோக்குவரத்து பாதிக்கபடாத ஹரித்வாரில் ஏன் ஐயா பாரசூட் மூலம் மருத்துவ அணிகளை இறக்க வேண்டும் என்றால் டேய் பாதிரி உன் அல்லேலுயா வேலைகள் இங்கு செல்லுபடியாகாது என்று அன்பான புத்திமதி தான் பதில்


குஜராத்தை முன்னணி மாநிலம் ஆக்கி விட்டார் என்ற கூற்று பல லட்சம் முறை ஓதப்படும் போது என்ன ஆதாரம் என்று கேட்பவனுக்கு இன்று வரை விடை கிடையாது. நேரில் சென்று பார் எனபது தான் ஆதாரம் ,கடவுள் இல்லை என்று நீ நிரூபி என்பதை போல
கல்வியில்,மருத்துவத்தில் 11வது இடம்,14வது இடம் என்று ஆதாரங்கள் காட்டுகின்றன என்றால் அதற்க்கு பதில்கள் ஏச்சுக்கள் தான் .
http://www.dnaindia.com/india/1850819/report-narendra-modi-faking-figures-to-claim-gujarat-development-congress

ஆண் பெண் சதவீதம் அவரது 12 ஆண்டு ஆட்சியில் 1000-883 இல் இருந்து 1000-886 ஆகியிருக்கிறது என்றால் பாதிரியார் தானே நீ என்று தான் பெரும்பான்மையான பதில்கள்

மோடியின் மேல் உள்ள பக்தியினால்
குசர் பி என்ற பெயர் கொண்ட சொரபுத்தீன் மனைவியை (அவள்மேல் எந்த குற்ற பின்னணியும் கிடையாது.அவளை கடத்தி பாலியல் வன்புணர்ச்சி செய்து கொன்று விட்டு )/19 வயது கல்லூரி மாணவி இஸ்ராட் ஜெஹன் என்ற எந்த வித குற்றசாட்டுகளுக்கும் ஆளாகாத பெண்ணை (அவள் சில நாட்களில் மூளைசலவை செய்யப்பட்டு மனித வெடிகுண்டாக மாற இருந்தவள்  என்ற புனைகதை உண்மையாக இருந்தால் கூட எந்த குற்றமும் செய்யாத 19 வயது பெண்ணை மூளை சலவை செய்பட்டதால் வாழ தகுதி இல்லாதவள் என்று கொலை செய்வது )

எல்லாம் சாதாரணம்/கண்டிப்பாக செய்ய வேண்டிய ஒன்று என்று வாதிடும் பெரும்பான்மையான மோடி ஆதரவாளர்களை
நினைத்தால் வேதனை தான் மிஞ்சுகிறது

அவன் நிலையில் நீ இருந்தால் என்ன செய்வாய்

முகநூலில்/வலைப்பூவில்  எழுதும் பழக்கம் டைரி எழுதுவதை போல.ஏன் டைரி எழுதுகிறாய் என்று யாரும் கேட்டது கிடையாது.ஆனால் நீ என்ன பெரிய பருப்பா ,எல்லா விஷயங்களையும் அலசி ஆராய,ஏன் வெட்டியாக நேரத்தை கழிக்கிறாய் என்ற கேள்வி எனக்கு நியாயமாக படவில்லை
அன்றாட நிகழ்வுகளை பற்றி எழுதுவது,அலசுவது நம்மை மாற்றும் என்றும் திடமாக நம்புகிறேன் நாம் அறுக்கப்பட்ட செங்கல்களாக இருந்தாலும் கூட

    உன் வீட்டில் நடந்தால் என்ன செய்து இருப்பாய் என்ற கேள்வி இப்போது எந்த விஷயத்தை பற்றி பேசினாலும் முகத்தில் வீசப்படுகிறது. இந்த கேள்வியில் எந்த ஞாயம் இருப்பதாகவும் எனக்கு படவில்லை.நம் உறவுகள் ஆராய்ந்துபார்க்கும் தன்மையை கடந்தவை.
பிழைக்கும் வாய்ப்பே இல்லை,வேறு பிழைக்க கூடிய வாய்ப்புள்ள நோயாளிக்கு தான் ஹெலிகாப்ட்டர் evacuation/அறுவை சிகிச்சை /ventilator முதலில் என்று கூறும் உரிமை எனக்கு எப்போதும் உண்டு. உன் தாயாக/குழந்தையாக இருந்தால் இப்படி சொல்வாயா என்ற கேள்விக்கு கண்டிப்பாக சொல்ல மாட்டேன் என்று தான் கூறுவேன்.அதனால் தான் மருத்துவர்கள் தங்கள் உறவுகளுக்கு தாங்களே வைத்தியம் பார்க்க கூடாது,நீதிபதிகள் தங்கள் உறவுகளின் வழக்குக்கு தாங்களே தீர்ப்பு கூற கூடாது என்ற நடைமுறைகளும்
பிழைக்க வாய்ப்பே இல்லை என்று தெரிந்தும் திருமணமாகாத உயர் பதவியில் இருந்த பெண் மருத்துவர் தன ஒரே துணையாக இருந்த பாட்டிக்கு பல லட்சம் செலவு செய்து சில வாரங்கள் ஆயுளை நீட்டித்து கொண்டிருந்தார். பல நோயாளிகளுக்கு /அவர்களின் உறவினர்களுக்கு தெளிவான அறிவுரை வழங்கிய அவர் தன ஒரே உறவு என்று வரும் போது அதற்க்கு நேர்மாறாக நடந்து கொண்டார். இதில் தவறு இருப்பதாக எனக்கு படவில்லை .

உறவுகள் பகுத்தறிவை கடந்தவை.அதனால் அவரை பார்த்து அன்று  அப்படி சொன்னே ஹி ஹி ஹி பார்த்தியா என்று சிரிப்பது அறியாமை

சரியான முடிவு எடுக்க ஏற்ற வயது எது

இன கவர்ச்சி,முதிர்ச்சியடையா வயது,இரண்டும் கெட்டான் பருவம் என்று 18,20 வயது பெண்களை பார்த்து பல கேள்விகள் ,கணைகள் தொடுக்கபடுகிறது.
இதற்கு மருத்துவ ரீதியான ஆதாரங்கள் உள்ளதா.பலர் சிக்மண்ட் ப்ராஐட் சிஷ்யர்கள் போல அவர்களின் ஆராய்சிகளின் முடிவால் கிடைத்த ஆதாரங்களின் அடிப்படையில் பேசுவது போல காம காதல்,21 வயதிற்கு பிறகு வருவது தான் உண்மை காதல்,புனித காதல் என்று தூள் கிளப்பி கொண்டு இருக்கிறார்கள்
த...ிருமண வயது 18 ஆக உயர்த்தப்பட்டதற்கான காரணங்களில் முக்கியமானது குழந்தை பிறப்பை கட்டுபடுத்தும் எனபது.ராணுவத்திற்கு ஆள் எடுக்கும் வயது 15 ஆக இருந்தது. இன்று 16 வயதிற்கு குறைவாக எடுக்க கூடாது என்ற சர்வதேச தீர்மானத்தில் இந்தியாவும் ஒத்து கொண்டு கையெழுத்து இட்டிருப்பதால் 16 வயதில் ராணுவ வீரருக்கான பயிற்சிக்கு ஒருவர் சேர்த்து கொள்ள படுகிறார். .
18 வயதில் துப்பாக்கியால் தீவிரவாதிகளை/போரில் எதிரி நாட்டு வீரகளை /ஊரடங்கு உத்தரவின் போது வெளியில் தென்படுபவர்களை,சந்தேகப்பட்டு கேள்வி கேட்கும் போது நிற்காமல் ஓடுபவரை சுட்டு கொல்லவும் அவருக்கு அனுமதி உண்டு.அந்த மனமுதிர்ச்சி வந்து விட்டது என்று பயிற்சி பெற்ற ஆண்,பெண் காவலர்கள்,துணை ராணுவ படை வீரர்களுக்கு அந்த அனுமதி வழங்கப்படுகிறது
ஆணுக்கும் பெண்ணுக்கும் வெவ்வேறு வயதில் மனமுதிர்ச்சி வரும் என்ற எந்த மருத்துவமுறை சொல்கிறது-அல்லோபதியா,உனானியா,சித்தாவா.ஆயுர்வேதமா
அதே வயதை சார்ந்த ஆண் மிகுந்த அறிவோடு ,குயுக்தி புத்தியோடு காதல் என்ற நாடகம் ஆடி ஏமாற்றுவான்,ஆனால் அதே வயதை உடைய பெண் ஒன்றும் தெரியாதவள்,ஏமாளி என்று எந்த மருத்துவ புத்தகங்கள் கூறுகின்றன
குடிகாரன்.தொடுப்பு வைத்திருப்பவன்,பல பெண்களோடு பழகி கை கழுவியவன் எல்லாருக்கும் பெற்றோர் ,உற்றார் பார்த்து திருமணம் செய்து வைக்க வாய்ப்பே கிடையாது.அவர்களின் ஒரே வழி காதல் நாடகம் தான் என்கிறார்களே -இது உண்மையா

இட ஒதுக்கீடு

இட ஒதுக்கீடு பற்றி நிறைய குழப்பங்கள்,புரிதல் இல்லாத நிலை இன்றும் அதிகமாக உள்ளது.
ஓபன் கோட்டா என்று ஒன்று எதிலும் கிடையாது.எல்லா பதவி ,படிப்புக்கும் ஏதாவது ஒரு ஒதுக்கீட்டின் அடிப்படையில் தான் மக்கள் தேர்ந்தெடுக்கபடுவர்
புதுசேரியில் பல மருத்துவ கல்லூரிகள்(மாநில அரசு மருத்துவ கல்லூரி ஒன்று,மத்திய அரசு ஒன்று ,6,7 தனியார் மருத்துவ கல்லூரிகள்) அசாம் தவிர்த்த ஆறு வட கிழக்கு மாநிலங்களில் ஒரே ஒரு கல்லூரி தான் உள்ளது
பக்கத்தில் இருக்கும் சித்தூரை சேர்ந்தவர்களுக்கு கூட தமிழக அரசு மருத்துவ கல்லூரிகளில் ஓபன் கோட்டாவில் சேருவதற்கு அனுமதி கிடையாது .இங்கு ரேஷன் கார்டு வைத்திருப்பவர்கள்,குறைந்த பட்சம் நான்கு ஆண்டுகள் படித்தவர்கள் தான் ஓபன் கோட்டாவில் சேர முடியும்.மாநிலத்தை வைத்து வழங்கப்படும் இட ஒதுக்கீடு அது
நம்மை விட அதிக மக்கள் தொகை,அதிக மாணவர்கள் கொண்ட மேற்கு வங்காளம் மாநிலத்தில் நம்மிடம் உள்ள மருத்துவ கல்லூரி இடங்களில் பாதி இடம் கூட கிடையாது .அவர்கள் யாரும் ஓபன் கோட்டா தானே என்று இங்கு வந்து சேர முடியாது.

மிகவும் பின்தங்கிய நிலையில் இருக்கும் நேபாளம் ,வங்காளதேசம் சேர்ந்தவர்களும் ஓபன் கோட்டா கீழ் வந்து சேர அனுமதி கோர முடியாது
மாநில ,குடியுரிமை அடிப்படையில் மொத்த இடங்களும் இந்த குறிப்பிட்ட பிரிவினருக்கு தான் ஒதுக்கீடு செய்யப்பட்டுள்ளன
கோவா முதல்வர் அற்புதமாக ஆட்சி செய்து வருவாயை பெருக்கி பல ஆயிரம் அரசு வேலைகளை உருவாக்கினால் அதனால் பலன் அவர்கள் மாநிலத்திற்கு தான்.மாநிலத்தில் யாரும் BPL கீழ் கிடையாது என்று அந்த மாநில காவல்துறை,மாநில அலுவலகங்களில் உள்ள வேலைகளை BPL மக்கள் அதிகமாக இருக்கும் மாநிலங்களுக்கோ,நாடுகளுக்கோ வழங்க முடியுமா
மாநிலவாரி இட ஒதுக்கீடு எனபது நூறு சதவீதம் அல்லது மத்திய அரசு பொது தேர்விற்கு ஒப்பு கொண்ட மாநிலங்கள் என்றால் 85 /75 சதவீதம் .இந்த ஒதுக்கீட்டை தெரியாதது அல்லது புரியாதது போல பேசுவது வியப்பு தான்
இட ஒதுக்கீட்டால் ஒரு சில பிரிவினரே அதிகம் பலன் பெறுகிறார்கள் என்றால் பாதிக்கப்படும் மற்ற பிரிவுகள் போராடி தனி ஒதுக்கீடு,உள் ஒதுக்கீடு பெறுவதும் நாடு முழுவதும் நடந்து வரும் ஒன்று தான்.சாதி ரீதியான இட ஒதுக்கீடு பெரும் குழுக்கள் யாரும் கிரீமி லேயர் பற்றி பேசுவதில்லை .அதை பெறாதவர்கள் தான் அதை பற்றி அதிகம் கவலைப்படுவது

இட ஒதுக்கீடு எனபது ஏழைகள் முன்னேற்ற திட்டம் அல்லது ஏழைகள் மறுவாழ்வு திட்டம் அல்ல
ஆட்சியில் ,அரசில் அனைத்து துறைகளிலும் அனைவருக்கும் பங்கு இருக்க வேண்டும் ,யார் வேண்டுமானாலும் முயன்றால் வர முடியும் என்ற நிலை இருக்க வேண்டும் என்பதற்கான திட்டம் தான் அது.

ஆந்திராவில் டேலேங்கான பகுதியில் இருக்கும் கல்லூரிகளில் 85 சதவீதத்தினர் அந்த பகுதியை சேர்ந்தவர்களுக்கு தான்.மீதி பதினைந்து தான் கரையோர ஆந்திரா மற்றும் ராயலசீமாவிர்க்கு .அதே நிலை தான் ராயலசீமாவில் இருக்கும் கல்லூரிகளில் அங்கு இருக்கும் மாணவர்களுக்கு


இதில் எல்லாம் கிரீமி லேயர் நுழையுமா.
மாற்று திறநாளிகள் இட ஒதுக்கீட்டில் படிப்பவர்,வேலை கிடைப்பது முக்கால் வாசி சோ called கிரீமி லேயரக்கு தான்.அது தவறா.


முன்னாள் ராணுவத்தினர் இட ஒதுக்கீட்டில் பெருமளவில் சேருபவர் அதிகாரிகளின் பிள்ளைகளா ,ஜவான்களின் பிள்ளைகளா


தாய் தந்தை பட்டதாரி இல்லை என்றால் எந்த சாதியை சேர்ந்தவராக இருந்தாலும் ஊக்க மதிப்பெண் கிடைக்கும் கலைஞர் திட்டத்தை அடித்தது நீதிமன்றங்கள் தான்
அரசு பள்ளியில் படிக்கும் கிராமப்புற மாணவர்களுக்கு இருந்த இட ஒதுக்கீட்டையும் அடித்தது நீதிமன்றங்கள் தான்.

பள்ளி,பெற்றோரின் கல்வி தகுதியை வைத்து வழங்கப்படும் ஊக்க மதிப்பெண்களால் இட ஒதுக்கீட்டின் கீழ் முதல் தலைமுறையினருக்கு முன்னுரிமை தருவது எளிது தான்.நீதிமன்றங்கள் தான் அப்படி முன்னுரிமை தரும் திட்டங்களை தடுத்து வருகின்றன

திராவிட இயக்கத்தின் தாக்கமும் அதன் மீதான  அதிதீவிர வெறுப்பிற்கான காரணங்களும் 

   

திராவிட எதிர்ப்பு தங்கங்களே

http://articles.timesofindia.indiatimes.com/2012-05-06/india/31597294_1_upper-castes-scs-durables
Three states however buck this trend; across caste groupings in Punjab, Kerala and Tamil Nadu, the rate of ownership of basic consumer durables is high. In fact, the asset ownership rate for scheduled castes in these three states is better than that of OBCs and upper castes in all other states.
Tamil Nadu and Punjab are the only states where the proportion of SCs who do not own basic assets is around 10% or lower, lowest of all in Tamil Nadu. Asset ownership among SCs in these three states is higher than that among “others” in all other states.
the key determinant of each of these states’ human development situation is not its caste composition, but its politics and governance, Mehrotra says.
அதாகப்பட்டது தமிழகத்தில்/கேரளத்தில் உள்ள பிற்படுத்தப்பட்ட/தாழ்த்தப்பட்டவர்களின் நிலை ஹிந்டுத்வர்கள் வலுவான நிலையில் உள்ள மாநிலங்களில் உள்ள முற்பட்ட பிரிவினரை விட மேலாம்.அதற்க்கு இங்கு நடந்த நல்லாட்சிகள் தான் காரணமாம்

ஆலையில்லா ஊருக்கு இலுப்பை பூ சர்க்கரை என்பதை போல தான் திராவிட இயக்கமும்.அந்த இயக்கத்தை பெருமளவில் பிற்பட்ட வகுப்பை சார்ந்தவர்கள் சுவீகரித்து கொண்டதால் அவர்கள் நன்றாகவே பலன் பெற்றார்கள்.மற்ற மாநிலங்களோடு ஒப்பிட்டு பார்த்தால் தான் அதன் பலன்கள் புரியும்.
ஹிந்துத்வம் மற்றும் காங்கிரஸ் கோலோச்சிய/கோலோச்சும் ராஜஸ்தான்,உத்தர் பிரதேசம்,மத்திய பிரதேசம் ,பீகார் ,கர்நாடகா போன்ற மாநிலங்களில் சாதிகளுக்கு இடையே ஆன நிலையோடு தமிழகத்தை ஒப்பிட்டால் நம் நிலை புரியும்.
திருப்பி அடிக்கலாம்/சாதி கடந்து திருமணம் செய்யலாம்,பிறப்பால் எவனும் உயர்ந்தவன் கிடையாது என்ற சிந்தனையே அங்கு பின்தங்கிய சாதிகளுக்கு இன்னும் வரவில்லை.
மதரீதியாக சாதிகள் இல்லை என்று சொல்லும் சீக்கிய மதத்தை ஏற்ற பஞ்சாபில் கூட சாதிபிரிவினைகள் வெகு அதிகம்.முப்பது சதவீதத்திற்கு மேல் இருந்தாலும்/பொருளாதார ரீதியாக முன்னேறி இருந்தாலும் தலித் சீக்கியர்களுக்கும் உயர்சாதி சீக்கியர்களுக்கும் பிளவுகள் மிக அதிகம்.இப்போது கூட கீழ் சாதி சீக்கியரை மணந்த குற்றத்திற்காக சொந்த மகளை கொலை செய்த/வலுகட்டாயமாக கரு கலைப்பு செய்து இறப்புக்கு காரணமான குற்றத்திற்காக மந்திரி கைது செய்யப்பட்டு சிறையில் உள்ளார்.
சாதி வேண்டாம் என்பவர்களை கிண்டலாக /வெறுப்பாக பார்க்கும்,சாதிரீதியான பெருமைகள் /இழிவுகள் சரி தான் என்ற எண்ணமே அங்கு மிகவும் பெரும்பாலோருக்கு இன்றும் உண்டு(பாரதியின் மறைவிற்கு கூட போகாத,அவரை சபித்த நம் தமிழகத்தின் 90 ஆண்டுகளுக்கு முன் உள்ள நிலை தான் ).இங்கே போலித்தனமாக இருந்தாலும் சாதி வேண்டாம் ,ஒழியனும் என்று பேசுபவர்கள் பலர் உண்டு.தலைவர்களும் அதில் அடக்கம்.அதில் ஓரிரு சதவீதம் சொல்வதற்கு ஏற்ப உண்மையானவர்களாக இருந்தால் கூட அதுவே மற்ற மாநிலங்களை விட பல மடங்கு அதிகம் தான்.
24 ஆண்டுகளுக்கு முன்னே கலைஞர் பெண்களுக்கு வேலை வாய்ப்பில் முப்பது சதவீதம் இட ஒதுக்கீடு செய்தார்.ஜெயலலிதா அனைத்து பெண்கள் காவல் நிலையம்,பெண் கமாண்டோ என்று பெண்கள் அனைத்து துறைகளிலும் மிளிர நடவடிக்கைகள் எடுத்தார்.

தமிழகத்தை சேர்ந்த பெண்கள் தான் அதிகமாக வேலைக்கு போவது,பெரிய பதவிகளில் சிறந்து விளங்குவது ,சாதி மறுப்பு திருமணங்களில் ஈடுபடுவது போன்றவற்றில் முன்னோடியாக உள்ளனர்.
மத்திய அரசு பணிகளில்,விளையாட்டு,கலைகளில் சிறந்து விளங்கும் பெண்கள் மற்றும் ஒதுக்கீட்டு வகுப்பினர் பெரும்பாலும் தென் மாநிலங்களை சார்ந்தவர்களே
தமிழகத்தில் சாதிகளுக்கு இடையே ஆன இடைவெளி குறுகி கொண்டே தான் வருகிறது.அதற்கு திராவிட இயக்கம் முக்கிய காரணம்

மற்ற மாநிலங்களோடு ஒப்பிட்டு பார்த்தால் தான் திராவிட இயக்கத்தின் பலன்கள் புரியும்.திராவிட இயக்கம் இல்லாத /வலுபெறாத மாநிலங்களில் சாதி ஒழிந்து விட்டதா,சாதி அடிப்படையில் கொலைகள்,வன்கொடுமைகள் நடை பெறுவதில்லையா.
பெண்களுக்கு சொத்தில் சம உரிமை முதலில் வழங்கியது திராவிட ஆட்சி தான்.சாதி மறுப்பு திருமணதிற்கு அரசு ரீதியான ஆதரவு,பரிசு,இட ஒதுக்கீடு வழங்கியது திராவிட கட்சிகள் தான்.பெண்களுக்கு அரசு வேலைகளில் 30 சதவீதம் இட ஒதுக்கீடு வழங்கியதும் கலைஞர் தான் .

முக்கால்வாசி மாநிலங்களில் வேறு மதத்தவர் நடத்தும் கடைகள்,உணவகங்களுக்கு யாரும் போக மாட்டார்கள்.வெகு எளிதாக மத,சாதி சண்டைகள் பற்றிகொள்ளும்.
பீகாரில் புமிஹார் பிராமணர்கள் ரன்வீர் சேனா என்று அமைப்பு வைத்து வார வாரம் படுகொலைகளை  நிகழ்த்துவார்கள்
அதே போல் குழந்தை திருமணங்கள்,பெண்ணை அடிமையாக நடத்துவது எனபது தான் அங்கு உள்ள நிலை.
சாதியை சொல்லி உரிமையை கோருவதும்,உரிமையை மறுப்பதும் தலைநகரங்களிலேயே சாதரணமாக நடக்கும்.வேறு சாதியை சேர்ந்தவர்களை திருமணம் செய்யலாம் என்ற நினைப்பு வரவே அங்கு இன்னும் அறை நூற்றாண்டு ஆகும்
திராவிட இயக்கத்தில் பல குறைகள் இருந்தாலும் மற்ற காங்கிரஸ்/இந்துத்வா கட்சிகள் கோலோச்சும் மாநிலங்களின் நிலையோடு தமிழகத்தை ஒப்பிட்டால் நம் நிலை பல மடங்கு மேல்

உட்டர்ப்ரதேசதில் மக்கள் வோட்டு பல துண்டுகளாக சிதறி உள்ளது.இப்போது முலாயமும் மாயாவதியும் மாறி மாறி வருவது பா ம க வும் விடுதலை சிறுத்தையும் மாறி மாறி ஆட்சிக்கு வருவது போல
இப்போது வெறியோடு ராஜு பையாகளும் யாதவ்களும் பழி தீர்த்து கொள்வார்கள்.இருவரின் ஆட்சியிலும் அதிக அட்டகாசம் உயர்சாதியினரான பிராமணர்,ராஜபுதிரகள் செய்வது தான்.
சோனியா சுஷ்மா மம்தா ஜெயா ஷீலா பதவியில் இருப்பதால் டௌரி ஒழிந்து விட்டதா,இல்லை பெண் சிசுகொலை குறைந்து விட்டதா
அதிக எண்ணிகையில் அனைத்து பதவிகளிலும் தலித்கள் ,பெண்கள் இருப்பது தமிழகத்தில் தான்.மத்திய அரசு பணிகளில் ,அரசு அதிகாரிகளாக குஜராத்திலோ இல்லை உட்டர்ப்ரதேசதிலோ கூட மத்திய அரசு பணிகளின் கீழ் ஒதுக்கீட்டு இடங்களை பிடிப்பது தமிழர்கள் தான்
 

சில ஆயிரம் பேர் உள்ள தேவதாசி முறைக்கு பெண்களை விட வைக்கப்பட்ட கருணாநிதி /அண்ணாதுரை திராவிட இயக்கத்தால் முதல்வர் ஆனது எந்த விதத்திலும் குறைந்த சாதனை அல்ல.
ஆந்திராவில் காங்கிரஸ் தலித் ஒருவரை முதல்வர் ஆக்கியதாலோ /இல்லை பா ஜ கா மத்தியில் பங்காரு தமிழகத்தில் கிருபாநிதி (அவரும் தி மு க வில் ஐக்கியமாகி விட்டார்)என்ன பெரிய மாற்றம் வந்தது.அவர்களுக்கு ஏதாவது சக்தி இருந்ததா.
ஒதுக்கீட்டு பிரிவினர் ஒட்டுமொத்தமாக முன்னேறி வருவதில் தமிழகம் மற்ற மாநிலங்களை விட முன்னிலையில் உள்ளது என்பதை உங்களால் மறுக்க முடியுமா
உத்தர் பிரதேசத்தில் ,குஜராத்தில் தமிழகத்தை விட அதிக அளவில் தலித்கள் மருத்துவராக,பொறியாளராக,வங்கி அதிகாரிகளாக,நீதிபதிகளாக,ஆட்சி பணி அதிகாரிகளாக வருகிறார்கள் என்று கூற முடியுமா.இதையும் கொஞ்சம் பாருங்கள்
http://www.thehindu.com/news/states/tamil-nadu/article3384834.ece
On the other hand, when it came to the Backward Classes – other than Muslims for whom 49 posts were reserved, a total of 3,096 candidates (46.2 per cent), including 2,035 male and 1,061 female, participated in the examinations and 220 of them, equal to 47.83 per cent within the category, cleared all the four papers.

The next big success was achieved by Scheduled Caste candidates. About 1,341 (20.01 per cent) of them, including 977 male and 364 female, wrote the examinations and 111 got selected for the viva voce taking the percentage of successful candidates in their category to 24.13 per cent.

சாதி ,மத சண்டைகள் எந்த மாநிலங்களில் அதிகம் என்பதை பார்த்து விட்டு திராவிட இயக்கத்தை பழித்தால் ஞாயம்

எண்ணிக்கை அதிகமாக யார் இருந்தாலும்/அதிகாரத்திலும் பங்கோடு இருக்கும் போது அவர்கள் ஆதிக்கம் செய்வது தான் எங்கும் நடக்கிறது.அதை தடுப்பது தான் இட ஒதுக்கீடு
உத்தர் ப்ரதேச மாநிலத்தில் பிராமணர்கள் நம்ம ஊரில் உள்ள முக்குலத்தோர்,வன்னியர்,நாடார் போல குறிபிடத்தக்க சதவீதத்தில் உள்ளனர்.அங்க சும்மா அடிச்சு விளையாடுவாங்க
முக்கால்வாசி தாதா,கொலை கொள்ளை எல்லாவற்றிலும் திவாரி,ஷர்மா,திரிபாதி என்று தான் பெயர்கள் இருக்கும்
செல்வி மாயாவதியின் ஆட்சியில் ஒரு குப்தா என்ற பொறியியல் இன்ஜிநீரை அடித்து கொன்ற எம் எல் ஏ ஒரு திவாரி

http://articles.economictimes.indiatimes.com/2008-12-24/news/28465674_1_pwd-engineer-m-k-gupta-bsp-mla-shekhar-tiwari
இப்ப அகிலாஷ் யாதவ் ஆட்சிக்கு வந்தவுடன் கூண்டாஇசம் ,ஆட்டோ டிரைவர் அடித்து கொலை என்று செய்தி .பார்த்தல் ஒரு திவாரி யாதவ் என்பரை அடித்து கொலை செய்கிறார்

http://www.dnaindia.com/india/report_sp-worker-beats-auto-driver-to-death-in-kanpur_1665118

இடைநிலை மற்றும் மற்ற உயர்சாதியினரையே இந்த அடி அடிகிறார்கள் என்றால் அவர்களுக்கு கீழ் உள்ளவர்களின் நிலையை எண்ணி பாருங்கள்.
பார்சிகள் ஒன்றும் செய்வதில்லை மற்ற சிறுபான்மையினரான இஸ்லாமியர்களை போல என்றால் காரணம் எண்ணிக்கை. அவர்களின் பாதி எண்ணிகையில் பார்சிகள் இருந்தால் அவர்களும் புகுந்து விளையாடுவார்கள்
http://zeenews.india.com/news/uttar-pradesh/amarmani-tripathi-out-of-jail-for-2-months_729950.html

http://news.worldsnap.com/states/bihar/behind-bars-but-jd-u-legislator-munna-shukla-still-enjoys-minister-status-88475.html
வேறு மாநிலத்தில் மும்பையில் வசித்தாலும் தன் தங்கை கேரளாவை சேர்ந்த கீழ்சாதியை சார்ந்தவனை மணந்து கொண்டதால் அவர்கள் குடும்பத்தையே அழித்த திவாரி சகோதரர்களின் வழக்கில் நீதிபதியும் அவர்களின் மனநிலையை புரிந்து கொள்ள முடிகிறது என்று தீர்ப்பு தந்ததும் இங்கு உண்டு
http://www.indlaw.com/guest/DisplayNews.aspx?8B2609C9-2E84-46DB-92F8-F2FDB42A0616

திராவிட இயக்கத்தால் அதிகம் பலனடைந்தது ஹிந்து மதமும்,பிராமணர்களும் தான்
இன்று இஸ்லாமை பார்த்து கேள்வி கேட்கும் நிலைக்கு,கிண்டல் செய்யும்,பழிக்கும் நிலைக்கு ஹிந்து மதத்தை பின்பற்றுபவர்கள் பேசும் நிலையை உருவாக்கியது அம்பேத்கரும் பெரியாரும் தான்
அவர்கள் அடித்த அடியில் தான் தன பழமைவாதங்களை,பிற்போக்குத்தனங்களை,பெண்களை விலங்குகளை,அடிமைகளை விட கேவலமாக நடத்துவதை ஹிந்து மதம் விட்டு விட்டது
திராவிட இயக்கத்திற்கு முன்னால் லட்சக்கணக்கில் நாடார்கள்,வன்னியர்கள்,கள்ளர்கள்,மீனவர்கள்,உடையார்கள் என்று தாழ்த்தப்பட்டவர்கள் மட்டுமல்லாது பிற்படுத்தப்பட்ட சாதி மக்களும் கிருத்துவத்திற்கு மாறினர்
அவர்கள் அனைவருக்கும் சுயமரியாதையை உருவாக்கியதால்,எதிர்க்கும் சக்தியை தந்ததால் தான் மத மாற்றங்கள் நின்றன

இங்கு வந்த மிச்சிஒனரிகள் அளவிற்கு வட மாநிலங்களில் இருந்திருந்தால் அவை முற்றிலுமாக மாறியிருக்கும்.பக்கத்தில் இருக்கும் கேரளாவில் நாராயண குரு அவர்களின் பிராமணர்களை ஒதுக்கிய ஹிந்து மத வழிப்பாடுகள் வந்ததால் கூட பாதி தான் மத மாற்றம் இல்லாமல் தப்பித்து
பெரியாரால் தான் இங்கு மத மாற்றங்கள் தடுக்கப்பட்டன.கடவுள் இல்லை, இல்லவே இல்லை
கடவுளை நம்புபவன் முட்டாள் எனபது தான் மத மாற்றங்களை தடுத்தது

இங்கிருக்கும் பிராமணர்களையும் மற்ற மாநிலங்களில் (பக்கத்து மாநிலங்கள் உட்பட)உள்ளவர்களையும் ஒப்பிட்டால் அவர்கள் வாழ்க்கையில் பெரியாரால் ஏற்பட்ட நல்ல மாற்றங்கள் புரியும்
கடல் தாண்டினால் ஒதுக்குதல்,நன்கு படித்தவர்கள் கூட பெண்களை பதினெட்டு வயதில்,அதற்கு முன் திருமணம் செய்தல்,பெண்களை,விதவைகளை மிகவும் இழிவாக நடத்துதல் ,சாதி கோட்பாடுகளை தீவிரமாக கடைபிடித்தல் என்று 1930 லேயே பலர் இன்றும் வாழ்ந்து கொண்டிருக்கின்றனர்.
இந்தியாவிலேயே சிறந்து விளங்குபவர்கள் தமிழக பிராமணர்கள் தான்.பிராமண பெண்களில் நல்ல பதவியில்,கலைகளில்,எந்த துறை எடுத்து கொண்டாலும் சிறந்து விளங்குபவர்களில் பெரும்பான்மையானோர் தமிழகத்தை சேர்ந்தவர்கள் தான்
பெரியாரின் சாதி மறுப்பு திருமணங்களை பெருமளவில் ஆதரிப்பவர்கள் அவர்கள் தான்

பல மாநிலங்களில் வேலை செய்தவன்.அரசு ,பொதுத்துறை இரண்டிலும் வேலை செய்தவன் செய்து கொண்டிருப்பவன் என்ற முறையில் நான் பார்த்தவரை தமிழகத்தை சார்ந்த அரசு வேலையில்,தனியாரில் வேலை செய்பவர்களின் சாதி மறுப்பு திருமணங்கள் அதிகம்
வட மாநிலங்களில் பெண்களின் எண்ணிக்கை குறைந்ததால் வடகிழக்கில் மற்றும் மிகவும் பின்தங்கிய பகுதியில் இருந்து பெண்களை மனைவியாக எடுத்து கொண்டு வரும் வழக்கம் உண்டு.
பல நூற்றாண்டுகளாக அங்கு பெண்களை சில சாதிகளில் இருந்து எடுக்கலாம் ஆனால் கொடுக்க மாட்டோம் என்ற வழக்கமும் உண்டு
பிராமணர்களை மணந்த தலித்கள் என்று எடுத்து கொண்டால் தமிழகம் மற்ற மாநிலங்களை விட நூறு மடங்கு அதிகம்.
எந்த மத்திய அரசு,பொது துறை நிறுவனங்களில் வேண்டுமானாலும் நுழைந்து பாருங்கள்.அங்கு பல மாநிலங்களை சேர்ந்தவர்கள் பணி புரிவார்கள்.
எந்த மாநிலத்தை சேர்ந்தவர்கள் அதிக அளவில் சாதிமறுப்பு திருமணம் புரிந்திருக்கிறார்கள் என்று புரியும்
சாதியை பொறுத்தவரை கிராமங்களின் நிலையில் தமிழகம் மிகவும் பின்தங்கி.பிற்போக்கான நிலையில் தான் உள்ளது என்பதை மறுக்கவில்லை

    எந்த சமூகத்தின் பெண்கள் அதிக அளவில் சாதி/மதம் கடந்து திருமணம் செய்து கொள்கிறார்களோ அந்த சமூகங்களின் ஆண்கள் தான் அளவுகடந்த வெறுப்பை திராவிட இயக்கங்களின் மேல் காட்டுபவர்கள்.

  திராவிட இயக்கம் இல்லாததால் இந்த மாநிலம்/பகுதி தமிழகத்தை விட மத நல்லிணக்கத்தில்,பெண் கல்வியில்,அணைத்து சாதியில் இருந்தும் மக்கள் உயர் பதவிகளுக்கு வருவதில் பல மடங்கு மேலே உள்ளது என்று எடுத்துக்காட்டுகளை எடுத்து வீசி விட்டு வெறுப்பை கொட்டினால் ஞாயம்  

சில பழக்கங்கள்,பிரட்சினைகள் தொடர்பான மருத்துவ ரீதியான கேள்விகள் 

 

 

 கடும்  வெயில் இருக்கும் மாதத்தில் குழந்தை பிறந்தால்  பிரசவிக்கும் பெண் மிகவும் கஷ்டப்படுவாள் என்பதால் தான் ஆடி மாதம் பெண் கணவனை பிரிந்து தாய் வீடு செல்கிறாள் எனபது மருத்துவ ரீதியாக உண்மையா என்று ஆராய்ந்தால் வடிகட்டிய  பொய் என்று புலனாகிறது.

 

கல்யாணம் ஆன முதல் வருடம் மட்டும் தான் ஆடி மாதம் பெண் தன தாய் வீட்டிற்கு செல்வாள்.சரி முதல் குழந்தை/பிரசவம் தான் பயமுறுத்தும் ஒன்று என்பதை வாதத்திற்காக ஏற்று கொண்டாலும் குழந்தையின் பிறப்பை கணக்கிடும் போது ஆடிக்கும் சித்திரைக்கும் உள்ள தொடர்பும் வெகு குறைவு.

சித்திரை பொதுவாக ஏப்ரல் 14 முதல் மே 14 வரை தான்.அந்த நாட்களில் மட்டும் பிரசவம் இருந்தால் மிகவும் கடினம் என்பதற்கு எந்தவித மருத்துவ ஆதாரங்கள் கிடையாது.அந்த நாட்களில் குழந்தை பிறக்க வேண்டுமானால் கரு உருவாகி இருக்க வேண்டிய நாட்கள் (மூன்று மாதங்களை கூட்டி ஏழு நாட்களும் குறைக்க வேண்டும்.அதற்க்கு முன் பின் 14 நாட்களில் பிறந்தாலும் குறை பிரசவம் கிடையாது )ஜூலை 07 முதல் ஆகுஸ்ட் 07 வரை உள்ள நாட்களில் கடைசி menstrual cycle தினம் விழுந்தால் இந்த சித்திரை பிட்டை பேச முடியும்.ஆனால் ஆடிக்கு வீட்டிற்கு செல்லும் பெண்கள் aug 15 மறுபடியும் கணவன் வீடு திரும்புவார்கள்.அவர்களின் கடைசி menstrual cycle ஜூலை 25,26 27 எதுவாக வேண்டுமானாலும் இருக்கலாம் .aug 16 கரு உருவானாலும் நாள்கணக்கு ஆடியை வைத்து தான். குழந்தையும் சித்திரையில் தான் பிறக்கும்

 

திருமணதிற்கு பிறகு தன கணவனோடு தன வீட்டிலேயே வாழும் பெண் ஆடிக்கு எங்கு செல்வாள்.
 ஆந்திராவில் திருமணமான முதல் ஆடி மாதத்தில் மாமியாரும் மருமகளும் பார்த்து கொள்ள கூடாது எனபது தான் கதை. கழுத்தை சுற்றி தொப்புள் கொடியோடு குழந்தை பிறந்தால் தாய் மாமனுக்கு ஆகாது என்று கிருஷ்ணர் கம்சன் கதையை வைத்து உருவான  நம்பிக்கையை போல ஒன்று தான் ஆடி

  அதற்க்கு மருத்துவ முலாம்கள் பூச முற்படுவது சரியா 

திருமணமான உடன் கருத்தரிக்கும் பெண்களின் கடைசி menstrual cycle தினம் திருமணதிற்கு முந்தைய தேதியில் வரும்.அடுத்து வரும் menstrual cycle க்கு 14 நாட்கள் முன்னே கரு உருவாகும் வாய்ப்புகள் அதிகம்.அந்த தேதியை மருத்துவ சீட்டுகளில் எழுதும் போது ஒரு பெண்ணின் தாயார் என்னிடம் கண்ணீர் விட ஆரம்பித்து விட்டார்.அந்த தேதியை எழுதாதீர்கள் அது திருமணதிற்கு முந்தைய தேதி என்று .எவ்வளவு விளக்கியும் அவர் ஒத்து கொள்ளவில்லை.last menstrual period LMP எழுதாமல் வெறும் EDD (expected date of delivery)மட்டும் எழுதி அனுப்பினேன்.

 

  அறிவியலுக்கும் நம்பிக்கைகளுக்கும் தொடர்பை ஏற்படுத்த நடக்கும் முயற்சிகள் தேவையானது தானா